The Diving Bell and the Butterfly

فلمنا لليوم

هو

The Diving Bell and the Butterfly

طبعا اذا ماشفت الفيلم الا الحين انصحك برؤيته

والي يحبون ياخذون فكرة

ما انصحهم لان اول دقايق من الفلم بتفر الرأس

بس الي مره مصرين تعالوا معاي بالجولة

(تراني باحرقه عليكم)

هذا فيلم فرنسي

واسم البطل بالفيلم

Jean Dominique Bauby

وهذا اسمه الحقيقي لانها مستسقاة(حلو الكلمة مدري من وين جبتها بس حلوة)

المهم مستسقاة من قصة حقيقية

الرجال كان مافيه الا العافية

وكان يشتغل بمجلة ازياء رئيسها او شي (اعذروني من اسبوع شفته)

وكان منفصل هو وزوجته الي عندهم 3 اطفال

وجا يوم من الايام ياخذ ولده الي بالابتدائية

وهم بسيارة الا جاه

سكتة دماغية

طبعا كل هذا ما بتعرفه الا بوسط الفيلم

الفيلم يبدأ

اول ماصحى

ويسالونه وش اسمك

ويجاوب ويرجعون يسالونه

ويجاوب ويرجعون كمان

فراحو كلموا الاستشاري وجا شرح له

ان عنده حالة تسمى ال

Locked In syndrome

يعني الواحد يكون واعي وفاهم بس تقريبا كل العضلات الارادية بالجسم ما يقدر يحركهم

فما يقدر يتفاهم معاهم ولا يتواصل فقالوا شنسوي

مالنا هاذي الطريقة

يقرون عليه الحروف وعند الحرف الي يبيه يرمش بعينه

وعلى هالحاله لين ما يكملون كلمة ثم جمله

طبعا شي متعب مره

وبالطريقة هاذي استطاع انه يالف كتاب

والفيلم هو جاي من الكتاب

طبعا بالفيلم يشرح كيف شعورة وهو بالحاله هاذي

يعني صراحة بتشوف الفيم وبتحمد ربك انك بالف صحة وعافية

ويوم نشر الكتاب توفي الرجل بسبب ال

pneumonia

شخصيا من افضل الافلام الي شفتها بالفترة الاخيرة واترككم مع كم صورة

.

.

.

.

.

Aliens In America

هذا مسلسل

امريكي جديد

الين اليوم نزل منه 14 حلقة

تدور احداثة حول عائلة امريكية في ولاية وسكونسون

عندهم ولد الي هو

Justin Tolchuk

جستن اجتماعيا فاشل فنصحهم المرشد الطلابي يستيضفون طالب اجنبي

بحيث ان الولد الجديد راح يكون وسيم والماني وعرض عليهم صور وراح يتجمعون عليه طلاب المدرسة

وافقت العائلة وجا اليوم الموعود وراحو المطار

ووصل الصبي

وجا من وراهم وقال السلام عليكم

وكانت المفاجأة ان الي وصل ولد باكستاني مسلم اسمه راجا

طبعا ما ودي احرق المسلسل عليكم

بس صراحة ممتع ويونس الواحد

واحداثة تدور حول كيف الولد المسلم الباكستاني قاعد يتواصل مع عائلتة الامريكية والطلاب بالمدرسة

وكيف يوضح لهم انهم ما يقدر يسوي اشياء معينة معاهم

طبعا كل هذا بقالب كوميدي

وفيه اكثر من حلقة كان يصلي فيها راجا صحيح من جنبها بس اهو تعليم عن الاسلام

بالحقيقة الي يمثل دور راجا هو من جنوب افريقيا ولا هو مسلم ولا شي

واخليكم مع كم صورة

وبالاخير هذا بريف عن المسلسل لطشته من ويكيبيديا

Format	Situation comedy
Created by	David Guarascio Moses Port
Starring	Dan Byrd Adhir Kalyan Amy Pietz Lindsey Shaw Scott Patterson
Country of origin	United States
No. of seasons	1

 .

.

.

.

.

قرب التخرج وسواليف الشباب

بما انه ما بقى الا ثلاث شهور او حواليها واخلص دراسة

واصير دختر اد الدنيا

وتشوفوني معلق النجمة

طبعا الفترة الجاية لازم الواحد ينظم جدولة حق الانتيرنشب(سنة الامتياز)

وفيه اربعة كورسات اساسية مدتها عشرة شهور

وهي الجراحةوالباطنية والاطفال والنساء والولادة

وشهر طب اسرة ومجتمع

وشهر اختياري

طبعا السواليف كلها تدور على الشهر الاختياري

ايش بتاخذ فيه واي محل بتاخذها فيه

يعني فيه ناس تفكر تكمل برا فياخذها بالمحل الي يرغب بالدراسة فيها اما كندا او امريكا او او

الورطة اني للحين ما اخترت تخصص ميه بالمية

والمشكلة الثانية

اني برضو مادري ادرس برا ولا اكمل بالسعودية

يعني من جد مليت عايش على مدخول شهري منخفض نوعا ما

وبيصير نفس الشي اذا قررت اكمل برا خاصة امريكا ولا استراليا

بعكس كندا الي سمعت انهم ياخذون اكثر بس مش متأكد

لكن كندا نسبة التنافس فيها عالية ايظا

ما علينا من الخربطة هاذي

والحين سالفة المعدلات

يجيك واحد يقول ياخي معدلي اربعة من خمسة ومحاكيكم معدله رايح بعين امها ويكمل يسولف ويقول وخايف اجيب (سي) بالمادة الفلانية

ويطيح معدلي واتورط ويجلس يسولف سواليف

قلبي يبدأ يدق بسببها ويجيني الام بالرأس وصعوبة بالتنفس (لا يا شيخ)

اذا هو معدلة كذا وخايف كل ذا الخوف انا شسوي

بعدين شايفني طبيبة النفسي عشان يجلس يحكي له مخاوفة المستقبلية

الله يوفقه ويسهل عليه بس لا يزعجني

ولا يجيك واحد يسولف يقول ياخي جبت بالمديسن(الباطنية) درجة ما جبتها بحياتي

انا: ليش جبت إف ؟؟

(F)

هو:لا بس درجة خايسة خايسة ما قد جبت مثلها من دخلت الكلية

انا: الله يسهل ويوسع صدرك وانشالله تعوض

تعليقي

يقطع ام السالفة الخايسة الي انت جايبها لي الحين

يعني خلصت السواليف عشان تحكي لي عن درجتك

واخر سالفة هذا واحد شاطر مرة

وكل ما قابلته يقول هاه كيف الكورس

واقولة انشالله تساهيل وربك بيعين

ويرد علي بخوف ويقول يارب بس نعدي

ويكمل ما ابغى الا اني اعدي بس حتى لو (بدي)

(D)

تعليقي

تلعب على راسي انت

لا يعني انا ساكن بالمريخ ولا اشوف المصرنة( مأخوذة من الجنسية المصرية وتعني الاجتهاد)

نكمل ولا اشوف المصرنة حقتك

من جد ناس ما تختشيش

وخلال معاشرتي لطلاب الطب اكتشفت الي دايم واثق ويقول والله الاختبار كان سهل ولا المنهج سهل اعرف على طول ان الرجال متزحلق ومن جنبها

بس من جد المعدلات حديث الساعة

حتى نصايح الشباب الي اكير منا

دايم يقولون انتبه معدلك لا يطيح عن 3.75

واذا طاح قالوا انتبه لا يطيح عن 3.5

واذا طاح قالوا انت شد حيلك وانشالله بتنقبل بالتخصص الي تبية (هنا اعرف انك جبت العيد)

بس بالنهاية قدري مكتوب من قبل لا انولد

والي كاتبه الله بيصير

والله بيختار لي بمشئتة الي فيه لخيري بالدنيا وللاخرة

.

.

.

.

.

تناقضات مجتمع

بسم الله الرحمن الرحيم

حنا مجتمع غريب

كلنا نلبس ثياب وبعضنا متفرنج(حلوة متفرنج بس من جد من وين جبتها)

كل النساء يلبسون عبايات

اغلبنا نصلي الجمعة

كلنا مسلمين (كتاب الجغرافيا يقول 99.99)

وكلنا نكره البنقاليين

مافيه واحد منا ما قال لاجنبي با صديق ولا يامحمد (ابد مو عنصريين)

كلنا نصوم

واغلبنا يزكي

واكثرنا حج او يفكر جديا بالحج

واغلبنا خرطي

نعم

خررررررررررررطي

اذا مو كلنا بعد

تلاحظون اننا مجتمع متدين

نصلي ونصوم ونزكي ونقوم باركان الاسلام الخمسة

لكن ان جينا الحق

واسدل اليل ستاره (حلوة مني الجمله هاذي)

طلع الحرامي

وطلع المسؤل الغير مسؤل

وطلع المتحرش باعراض النساء

وطلع المغازلجي

وطالع اكل اموال العامة

وطلع الزاني وشارب الخمر

وطلع الصرصور(ماله دخل بس هو يطلع بالليل)

طلع الغشاش

وغيرهم وغيرهم وغيرهم

واذا طلع الصبح صحى وصلى الفجر وبعد تلقاه يصحي خوية لا تفوته الصلاة

ولبس ثوبة ورجع مسلم

اولا ما اعمم الي قاعد يصير بس انا شخصيا

يمكن اعرف شخص على الاقل من اللسته الي كتبتها فوق

بيجي واحد ويفول

هذا مجتمعك والي حولك هم الي عايشين كذا ولا حنا مافينا الا العافية

والله يمكن

بس مجتمعي جزء من محتمعك

ثانيا

فعل المعصية لايعني اني اعصي بكل شي

يعني انا مثلا اشرب (قلنا مثلا)

ليش ما اصلي واصوم والله بيتوب علي وببطلها

بس الي بقوله تبي تشرب اشرب

وتبي تصلي معاها صلي

بس لاتجي وتلبس ثوب المسلم وتعنف السارق والزاني والخ …

يعني هل فعل المعصية خلاص يخليني عضو خامل لا حقوق لي

ابد خقوقك كامله

بس لاتسلب حقوق الاخرين بالمعصية

واتذكر ايام المتوسطة كان مكتوب على الجدار

لاتنهى عن خلق وتاتي بمثله

عار عليك اذا فعلت عظيم

.

.

.

.

.

نو مور اكتتابات

السلام عليكم

بما اني من متابعي قناة العربية

تأثرت كثبير بالفيلم الوثائقي حق الحضارم

وبالاضافة لنصايح واحد من اخوياي

قررت اني استثمر جميع ما املك بسوق الاسهم

فما سددت فاتورة جوالي الشهر الي راح

ودخلت بخمسمية ريال في اسهم زين

ومرت الايام ودارت الاسابيع

وانفصل جوالي الاسبوع الي راحي عن الف وميه ريال

وجيت اليوم ببيع الاسهم عشان اسدد الجوال

طبعا امس غثا رحت فعلت الاهلي اون لاين من الصراف بعد ما دخلت بيانتي بالنت

وصحيت اليوم الصبح على منبة الجوال (والله زمن صار منبه بعد ماكان يدق ويندق عليه)

خشيت النت سويت امر بيع رفض لايبيع يقول ضف وجهك ما عندك اسهم

واروح الاهلي تدوال ولخبطت بكلمة السر وقفل حسابي

ورحت للصراف الي داخل الجامعة لانو كان عندي محاضرة ونفس السالفة

يلعن ابوها اسهم وابو ابوها لو اني مسدد فاتورتي زمان كان مثل الاودام عايش

بس من جد حطيت خمسميه وصارت الف تقريبا اذا ن وبزيدها ميه من مصروف الشهر هذا وبسدد الفاتورة

ولا يقولون لي خذ بعثة كمل دراستك

مو كافيتني الست سنين الي عيشتها احسب كم للفاتورة حقت الجوال وفاتورة الثابت والكهرباء وكم لازم اصرف وكم لازم ابقي

بس من جد الاكتتابات للناس مثل حالتي ما منها اي فائدة

اخر سالفة

دقيت على الاهلي تدوال ولطعوني ابو عشرة دقايق

الا صوت انثوي يرد ويقول اشواق الاهلي تدوال كيف ممكن اخدمك

انا: وين ابوك يا بنت لخبطت احسب اني داق علي بيت عمي

الزبدة قلتها قال لي لقد تم ايقاف اسم المستخدم حقي ومكتوب كلم الاهلي تدوال

هي: ايوه ايوه بلهجة حجازية اظغط على زر نسيت كلمة المرور

انا: سويت كذا بس مو راضي

هي: بدت تعصب اقولك ياوااد اظغط هناك وبيطلع لك كل حاجة

انا: يا ابلتي انا ظغطت ودخلت بيانتي ولما جيت ادخل كلمة المرور ما يكتب معاي

هي:دقيقة لو سمحت

بعد عشرين ثانية عطتني الموقع بالارقام وقالت هي جرب وشكرا لاتصالكم بالاهلي تدول

زحلقتني بنت الذين

ولا يبونهم يسوقون بعد (عصب وما عاد يدري وش يقول )

جربت ولا تغير شي

وهذا انا توني جاي من محلات الزينة الي بالثقية وكاتب على

الددسن

نو مور اكتتابات

.

.

.

.

.

كم انسانيون وكم مسلمون نحن

قرئنا وعلمونا ايام التاريخ في المدرسة

عن ازمان تخاذل فيها المسلمون وتركوا الامم الاخرى تنهش في جسد الامة

وكان مدرس المادة يهز رأسة بأسف

وهنا بأخرج عن الموضوع شوي

السكران يقدر يقول لخوية السكران

يا سكران لانه فعلا سكران لكن ما يقدر يعيب علي فعلته

يعني ماكان لها داعي هزة الرأس

ما اهتم ايش راح تقول الامم الاخرى عن زمننا

لكني خايف من يوم سأقف فيه بين يدي الله عزوجل

لا اعلم ماذا سيقول لي ولا اعلم بما سأرد او اذا كنت املك القدرة على الرد

لكني اعلم واعلم واعلم

ان الله انعم علي بالعقل وبالعلم وبالمال

مر من عمري خمس وعشرين سنة

وايش سويت لأخ مسلم او اي انسان

ما قاعد ادعي المثالية

بس من جد مرت خمس وعشرين وكم بقت

الست سنوات الي راحت منشغل بالدراسة

ويمكن الستة الجايه بين ريزدنسي وتخصص

وبعدين بابدى اجمع عشان اولادي وابني بيت

وبعدين باموت

لنا اخوان يموتون كل يوم

يموتون جوعا, يموتون فقرا وبردا لا بيوت لهم

حياتهم صعبة وحياتنا ايظا

يامن نجوت من عدة ذبحات صدرية

يامن تشتكي من السمنة

يامن تتلحف بغطاءك ليلا بعد رفع درجة التبريد

يامن تلبس وتتزين مما اعطاك الله

هناك اخواننا لنا يشتركون معنا في جدنا ادام وامنا حواء

يستحيون ان يسئلوا

لا يمدون ايديهم

حتى وان طلبوا لا يعرفون من يطلبون

الفقر مؤلم

لاتعطهم كل ماتملك

لاتعطهم من وقتك

لا يريدون ذلك

يريدون قليلا مما تملك

يريدون مايسيرون به حيواتهم

حتى الكماليات لا يريدونها

نمر يوميا بمشاهد مؤلمة لا تحرك في قلبونا شي

نعتبر ما نراه فيلم وثائقي زاد معرفتنا قليلا

لا والله زادنا قسوة

كيف لايتحرك فينا شي لاطفال يوموتون من الجوع والمرض والفقر

هل بعدهم عنا يعني اخلاء مسوليتنا

ان كنا نستطيع المساعدة ولا نفعل

فاين ذهبت انسانيتنا

اين ذهب الشعور الطبيعي بالتعاطف

نعم

نشكر الله على ما انعم به علينا

كم عدد المرات التي نسمع كلمة

الحمدالله حنا بخير الله بس يعينهم

لماذا لاتكون اداة من ادواة الخالق في اعانتهم

ان شعورك بالتعاطف ان شعرت به ابدا لن يساعدهم

قد يساعدك قليلا باحساسك بنعمة الله عليك

لكن لماذا نتوقف عند هذه النقطة

لماذا لانشكر الله المعطاء ثم نساعد من هم اقل حظا منا

اخوانا لنا في كل مكان بحاجة اليك

فلنعطهم ما نملك

لندعي لهم معانا

لنساعدهم باموالنا باوقتنا بجهدنا

يقولون البعض

ابتسم له الحظ

فان لم ياتي حظه

لنواسيه على الاقل بابتسامات اخوية

يوم المهنة الطبي الثاني

من زمان ما مريت على البلوق

ومن زمان ما شيكت النت

بس كنت مشغول بيوم المهنة الطبي حق جامعتنا

هو اسمه يوم المهنة الطبي بس كان يومين

يعني صعبة نقول يومين المهنة الطبي

الزبدة

اليوم الاول كان الاربعاء

بدايته كانت مع الدكتور الربيعة (للاسف ما سمعت المحاضرة لاني كنت الخص الس في حق الدكتورين السميط والسلطان عشان كنت بقدمهم)

وبعدين جاي الحواسي والفريحي

بعدين السلطان وكانت من المحاضرت المفيدة صراحة وكان عنوانها كيف تختار تخصصك

والدكتور السميط كانت محاضرته ممتعة

وبعدها جا الاحباط

لا الكندي ولا الامريكي استفتدت منهم

الدكتور حاتم من استراليا يمكن اكثر واحد استفدت منه

الفرنسي ما ادري هل المحاضرة مو واضحة ولا كان فيني نوم

صراحة احباط لاننا ارسلنا لهم الاوبجكتفزووضحنا لهم وش نبيهم يشرحون لنا لكن الشباب مفهين شوي

والدكتور الكندي ضاعت شنطته وهو جاي وضاعت معاها المحاضرة فاظطر يرقع وحده باليوم الي قبله

يعني اليوم الاول ما كانش اوي صراحة يعني على التعب الي سويناه كان ودي الطلاب يستفيدون شوي

 

اليوم الثاني

دخلت ثلاث قاعات

طب الطورائ

والسيكاتري

والجنرال سيرجيري

كان حليو خاصة طب الطورائ والسيكاتري

 

استمتعت جدا بالشغل مع الشباب

تعرفت على ناس ماكنت اعرفهم

وعرفت زين ناس كنت اعرفهم

صحيح كرهت بعض الشباب

يعني فيه شباب داخلين جو مره

تلقاه يعصب

ويمشي بسرعة لما يروح يسوي شي

الرواقة زينه ياالربع

وكل شي تبيه بيجيك بس روق

 

صحيح نشبت لمديرنا وبالرايحة وبالجاية داق عليه

بس من جد وسيع صدر

 

صراحة

كنت فرصة اعرف نفسي فيها اكثر

واطور الكميونكيشن سكلز حقتي فيها