الدكتور الخدعة

تقريبا اخر بوست نزلته كان من حوالي شهر وتعتبر اطول فترة من بديت اكتب الي يحصل لي في حياتي الوردية والسبب يعود ليس لاني مشغول وماعندي وقت لكن ماكان عندي الرغبة في اني اكتب على كل حال عدنا والعود احمد.

لي الان شهر من صرت طبيب امتياز(ماادري من اخترع المسمى هذا امتياز)نرجع نكمل من صرت طبيب امتياز في قسم النساء والولادة. طبعا القسم هذا اشك انهم يحتاجون اطباء امتياز لان من جد مالي شغله بالدنيا هاذي.

الروتيشن مدتة شهرين, شهر نداوم بالطورائ وشهر ندوام فوق في القسم الي نايمين فيه المرضى. اول يوم رموني(قذفوني, نطلوني) بالطورائ ومعي شاب لطيف مثلي عنده الامتياز ليكون طبيب! نستقبل المرضى وناخذ التاريخ المرضي ونفحص المريضة بعدين نستخدم اصابعنا وندق على الدكتور المناوب ونقول ايش الحالة وعلى اساس المعلومات الي نعطيه يعالج المريض.

فيه حالات نقدر نكتب ادوية ونطلع المريض بدون مانكلم الدكتور بس لازم الدكتور يوقع على الوصفة لان الصيدلية تصرف ادوية بس الي موقعها دكتور وانا بالنسبة للصيدلي مش دكتور حتى البندول ما اقدر اصرفة. بس لي يومين اكتب وصفات وتمشي بس بالاخير قبل شوي رفضت لي وصفة فرحت للصيدلي الرافض لوصفتي الكريمة سلمت عليه وصافحته بعدين عرفت عن نفسي وقلت تراني كاتب مسكن الم الي يقدر المريض ياخذه من دون وصفة من برا ناظرني نظرة ياليتها كانت نص نظرة على قولتهم بس اتوقع كانت عشر او ربع نظرة بعدين رد على بنفس اخيس من نفوس الاطباء المقيمين عندنا وقال ممنووووع والحمدالله لان لو معي سكين كان نحرته( من النحر وهو قطع الرقبة) اوشنقته باستخدام حزامة الي موصل لحلمات صدرة لكن الحين عرفة فايدة النافذة الصغيرة للصيادلة.

ولما اشتغل فوق عند المرضى في نفس القسم وظيفتي لو يغيرونها الى مسمى (مدخل بيانات) يكون افضل لاني لما اوصل الصباح احضر اجتماع القسم ولما نطلع بعد خمس دقايق القى ملفات المرضى وفيها طلبات ادوية لازم اطلبها من الصيدلة بالكمبيوتر ولاني طبيب امتياز استخدم اسم المستخدم والرمز السري حق الطبيب المقيم وادخلها وبكذا اكون انهيت شغلي بعد نص ساعة على الاكثر. ولما احضر العيادة مع الدكاترة وضيفتي من جد مدخل بيانات ادخل في النظام التحاليل الي يحتاجها المريض واراجع التحاليل القديمة وبسسسس وفي نوادر من الازمان اعمل كمترجم للطبيب اذا ما كان يعرف عربي.

فيه شعور غريب جدا واول مره احسه بحياتي وعلى قولة أبوي لما كنت احكي له قال لي فرصة تختبر انواع جديدة من المشاعر. والمشاعر هاذي اتوقع محلها يقع بالنصف مابين الغضب الشديد الناري وبين قهر العاجزين. قبل لا يعطوني الامتياز لاكون مدخل بيانات كنت لما اغضب اعد الى عشرة واذا لما يذهب المسبب لغضبي انفجر على الشخص لكن الحين اتوقع صرت اوصل بالعد الى ستة دقايق بعدين اروح ابكي لحالي في الحمام

تصير في أكبر الكليات

السلام

بعد طلب منظم وغاضب من اثنين من القلائل الي يتابعون ما اكتبه هنا بعدم توسيط كتابتي لانها على ما يبدوا اثارت استيائهم بشكل كبير, فاقولهم على عيني وعلى راسي بطلنا توسيط.

برغم فضاوتي الشديدة في هذه الايام الا انه ليس لدي لا رغبة للكتابة ولا للقرأءة وخاصة قراءة الدروس ولا بأي شي وكل يوم الكلية الغبية (أدري بس ماعندي وصف اخر) نرجع كنا نقول الكلية هاذي ترفع ضغطي يعني انا مش فاهم ليش ندرس فترة اطول من الكليات الاخرى بالمملكة يعني حنا اذكى ولاصبرنا اكثر ولا اغبى بحيث نحتاج معلومات مفصلة. بس وسع صدرك خلاص خلصنا وافتكينا

الاسبوع الي راح كان اول مره في حياتي الجامعية يصير لي احتكاك مع احد القادة العظماء في الكلية حيث احتجت الى ورقة بأن لامانع لديهم ان اخذ جزء من سنة الامتياز بالرياض فلما رحت الاسبوع الي راح قال لي الدكتور ما نقدر نعطيك اي شي حتى نخلص جداول الامتياز الي هنا وننظمها قلت يعني متى اراجع سعادتكم قالي تعال الاسبوع الجاي الي هو اسبوعنا هذا.

جا الاسبوع هذا وبما ان الدكتور هذا كلاسيكي ويحب السكرب سوت الرمادي فما كان لي الا ان اتحول لعبدالله الكلاسيكي حلقت في اليوم الي قبلة ويوم صحيت الصبح حطيت موية على شعري و ابتعدت عن الجل وكريمات الشعر وكل شي عصري ولبست السكرب الرمادي واللاب كوت وعلقت البطاقة وجهزت خطاب طلب واقسم بالله اني كتبته بالعربي والانجليزي قلت عشان ما يصير له حجة.

طق طق (طقيت الباب) ممكن دقيقة يادكتور رد وقال ممكن انت دقيقة ضفيت وجهي دقيقة ورجعت ونفس موال الاسبوع الي راح قلت له وختمت بقولي انت وعدتني بتعطيني الخطاب اليوم قال لاااااا ما اعطيك وشدعوة يابو فلان(طيحت الميانة)؟؟ قال لحظة لحظة انت بأي كورس الحين(مادري ايش يعني بتفرق)قلت له قايني قال خلاص اذا خلصت قايني ونجحت تعال لي, قلت طيب بس عشان انظم جدولي واعرف وين اروح وين اجي بعدين المستشفى الي ابيه قبلني اربعة شهور وبعد اخذ وحط فمالها داعي اكلمهم واقول اصبروا ستة اسابيع على خطاب الكلية وفيه احتمال كبير بيقولون خلاص قدم بعد ستة اسابيع من جديد وبذيك الفترة بيكون ناس كثيرة مقدمة وزحمة ويمكن مايوافقون قال لي بس حنا لازم نتأكد انك ناجح قلت خلاص اكتب في الخطاب لامانع لدينا في ذهابي هناك في حال نجاحي قال لااااااا وسكتنا كلنا بعدين قال خلاص روح الله يوفقك.

الله يوفق جميع المسلمين يادكتور ويوفقك معهم بس سهلوا على الطلاب يعني حرام بعد المكالمات وكل شي مع المستشفى يروح التعب ولا يقول لي انا مني قادر افهمكم يا الطلاب يعني بتفرق اذا اخذت سنة الامتياز هنا ولا في الرياض ترا كلها واحد.

بس صراحة من جد اقنعني ان كلها كلها واحد

الاختبارات تطرق الابواب

بسم الله الرحمن الرحيم

مع طرق البيديا(طب الاطفال) على بابي

والله موطرق

هي داخله داخلة

واختفاء جميع الالون من حياتي

وسيطرة اللون الرمادي

تتمتع الفترة هاذي بخصائص كثيرة منها

كثرة سندويتشات الجبن والاوريوز (مش مع بعض))

وتقل الكبسات وجميع الاكلات التي تملك سيطرة على المخ(خاصة اني اليوم ما افطرت فول)

في هذه الفترة

تكثر الدعوات في نهاية السوالف

مثل الله يستر

والله يسهل

والله يحفظنا

والله يخارجنا

وفي هذه الفتر تكثر الجمل التالية

وش خلصت

كم بقى لك

واخاف ما اعدي

وين بتختبر

ايظا

تصبح الافلام والمسلسلات ممتعة بشكل غريب

وتزداد اهتماماتي باشياء ما كنت المسها ولا افكر فيها بالايام العادية

ويرق قلبي على جدتي

وادق اسلم

بعدين اتذكر خوالي

وبعد ادق اسلم

وطبعا ما انسى بعض زملاء الثانوية

واكيد لازم

اتطمن على الشباب الي في قروب المديسن

اقسم بالله تعبت ومليت

كل سمستر ارابط بالشقة ستة اسابيع

ثلاثة قبل كل اختبار

والله مو دفرة

لكن الجو العام والجو النفسي مايساعد

حتى لو بطلع اطلع لاحد يذاكر

ولايجيني احد يذاكر عندي

وما اقول الا

الله يسهل بس

قرب التخرج وسواليف الشباب

بما انه ما بقى الا ثلاث شهور او حواليها واخلص دراسة

واصير دختر اد الدنيا

وتشوفوني معلق النجمة

طبعا الفترة الجاية لازم الواحد ينظم جدولة حق الانتيرنشب(سنة الامتياز)

وفيه اربعة كورسات اساسية مدتها عشرة شهور

وهي الجراحةوالباطنية والاطفال والنساء والولادة

وشهر طب اسرة ومجتمع

وشهر اختياري

طبعا السواليف كلها تدور على الشهر الاختياري

ايش بتاخذ فيه واي محل بتاخذها فيه

يعني فيه ناس تفكر تكمل برا فياخذها بالمحل الي يرغب بالدراسة فيها اما كندا او امريكا او او

الورطة اني للحين ما اخترت تخصص ميه بالمية

والمشكلة الثانية

اني برضو مادري ادرس برا ولا اكمل بالسعودية

يعني من جد مليت عايش على مدخول شهري منخفض نوعا ما

وبيصير نفس الشي اذا قررت اكمل برا خاصة امريكا ولا استراليا

بعكس كندا الي سمعت انهم ياخذون اكثر بس مش متأكد

لكن كندا نسبة التنافس فيها عالية ايظا

ما علينا من الخربطة هاذي

والحين سالفة المعدلات

يجيك واحد يقول ياخي معدلي اربعة من خمسة ومحاكيكم معدله رايح بعين امها ويكمل يسولف ويقول وخايف اجيب (سي) بالمادة الفلانية

ويطيح معدلي واتورط ويجلس يسولف سواليف

قلبي يبدأ يدق بسببها ويجيني الام بالرأس وصعوبة بالتنفس (لا يا شيخ)

اذا هو معدلة كذا وخايف كل ذا الخوف انا شسوي

بعدين شايفني طبيبة النفسي عشان يجلس يحكي له مخاوفة المستقبلية

الله يوفقه ويسهل عليه بس لا يزعجني

ولا يجيك واحد يسولف يقول ياخي جبت بالمديسن(الباطنية) درجة ما جبتها بحياتي

انا: ليش جبت إف ؟؟

(F)

هو:لا بس درجة خايسة خايسة ما قد جبت مثلها من دخلت الكلية

انا: الله يسهل ويوسع صدرك وانشالله تعوض

تعليقي

يقطع ام السالفة الخايسة الي انت جايبها لي الحين

يعني خلصت السواليف عشان تحكي لي عن درجتك

واخر سالفة هذا واحد شاطر مرة

وكل ما قابلته يقول هاه كيف الكورس

واقولة انشالله تساهيل وربك بيعين

ويرد علي بخوف ويقول يارب بس نعدي

ويكمل ما ابغى الا اني اعدي بس حتى لو (بدي)

(D)

تعليقي

تلعب على راسي انت

لا يعني انا ساكن بالمريخ ولا اشوف المصرنة( مأخوذة من الجنسية المصرية وتعني الاجتهاد)

نكمل ولا اشوف المصرنة حقتك

من جد ناس ما تختشيش

وخلال معاشرتي لطلاب الطب اكتشفت الي دايم واثق ويقول والله الاختبار كان سهل ولا المنهج سهل اعرف على طول ان الرجال متزحلق ومن جنبها

بس من جد المعدلات حديث الساعة

حتى نصايح الشباب الي اكير منا

دايم يقولون انتبه معدلك لا يطيح عن 3.75

واذا طاح قالوا انتبه لا يطيح عن 3.5

واذا طاح قالوا انت شد حيلك وانشالله بتنقبل بالتخصص الي تبية (هنا اعرف انك جبت العيد)

بس بالنهاية قدري مكتوب من قبل لا انولد

والي كاتبه الله بيصير

والله بيختار لي بمشئتة الي فيه لخيري بالدنيا وللاخرة

.

.

.

.

.

يوم المهنة الطبي الثاني

من زمان ما مريت على البلوق

ومن زمان ما شيكت النت

بس كنت مشغول بيوم المهنة الطبي حق جامعتنا

هو اسمه يوم المهنة الطبي بس كان يومين

يعني صعبة نقول يومين المهنة الطبي

الزبدة

اليوم الاول كان الاربعاء

بدايته كانت مع الدكتور الربيعة (للاسف ما سمعت المحاضرة لاني كنت الخص الس في حق الدكتورين السميط والسلطان عشان كنت بقدمهم)

وبعدين جاي الحواسي والفريحي

بعدين السلطان وكانت من المحاضرت المفيدة صراحة وكان عنوانها كيف تختار تخصصك

والدكتور السميط كانت محاضرته ممتعة

وبعدها جا الاحباط

لا الكندي ولا الامريكي استفتدت منهم

الدكتور حاتم من استراليا يمكن اكثر واحد استفدت منه

الفرنسي ما ادري هل المحاضرة مو واضحة ولا كان فيني نوم

صراحة احباط لاننا ارسلنا لهم الاوبجكتفزووضحنا لهم وش نبيهم يشرحون لنا لكن الشباب مفهين شوي

والدكتور الكندي ضاعت شنطته وهو جاي وضاعت معاها المحاضرة فاظطر يرقع وحده باليوم الي قبله

يعني اليوم الاول ما كانش اوي صراحة يعني على التعب الي سويناه كان ودي الطلاب يستفيدون شوي

 

اليوم الثاني

دخلت ثلاث قاعات

طب الطورائ

والسيكاتري

والجنرال سيرجيري

كان حليو خاصة طب الطورائ والسيكاتري

 

استمتعت جدا بالشغل مع الشباب

تعرفت على ناس ماكنت اعرفهم

وعرفت زين ناس كنت اعرفهم

صحيح كرهت بعض الشباب

يعني فيه شباب داخلين جو مره

تلقاه يعصب

ويمشي بسرعة لما يروح يسوي شي

الرواقة زينه ياالربع

وكل شي تبيه بيجيك بس روق

 

صحيح نشبت لمديرنا وبالرايحة وبالجاية داق عليه

بس من جد وسيع صدر

 

صراحة

كنت فرصة اعرف نفسي فيها اكثر

واطور الكميونكيشن سكلز حقتي فيها

 

examinations week

mood:depressed

بما اننا مصدقين نفسنا

اقصد انا وادارة كليتنا

ويما اننا قاعدين ننقذ ارواح في كل دقيقة من شغلنا (ايه صدقنا)

ما اخذنا اجازة مع الجامعات الثانية الاسبوع الي راح

وامس بديت اول اختبار واليوم بعد اختبار والاربعاء اختبار

بعدين اجاااازة (قصدي الويكند)

قسم بالله طفشت دراسة

ازعااااااااااااج

 

الله يسهل بس

 

 

 

 

Nurses in Saudi Arabia

We have a lot of Filipino nurses in our hospital
Well they are a hard workers and so focused and every thing
But I really wana dug out in their past to see what happend

that

made them that evil

One
They talk in their language and laugh so hard and there is you and them  around
its right that I’m ugly and no one ever didn’t laugh at me but not in a language i didn’t understand
frankly I think its slightly impolite but they never gave a fuck

Two
Don’t make the classical mistake of a fourth year student and ask them about anything
If so
welcome to the hell zone
welcome to
the nonstoppable flood of English word marinated with their lovely accent
mainly you don’t know what she is saying but you figure theses words out
Bezzzy
Have to work
Don’t ask me
Ass hole (kidding)
Go away

Three
They assume that they are superior to the poor med. Students
I will tell you how
Some doctors feel that they are superior to the nurses and they will treat them like a shit
And I mean this kind of superiority
Well, there is just no comparison!
Yes we are in the same field but we have different tasks
The information that we need to know is different

Anyway I’m not prejudice against them or so but those are the one I see every day
Except for the lovely old nurse in the neurosurgery

THE OPERATING ROOM

we are suppose to observe at least two surgeries each week with our assigned doctor

This week after sleeping for only one hour i went there ( to the OR) at 7:30 and the head nurse told me sorry but i cant give you a scrub suite we have an orders from the medical director in the hospital not to give the students, i said no problem i will leave but can you tell my doctor that i was here and you didn’t give me a scrub suite she said no told him yourself

after my doctor decided to come at 8:45 i told him they didn’t give me a scrub suite thinking that he will help me to get one since one of the other groups of students were helped by there doc. he said its ok you can go heome for today

i went home but they could of have tell me one day earlier and observing a surgery is the worst thing you can do, you will be watching for at least a three hours, a fatty doctors cutting someone and laughing at things that are really away from being funny but i cant blame them they have been socially isolated for a very long time. personally i think surgeries like a video game you wont have fun till you do it your self but the problem with surgeries are that you will be playing the same set of games over and over and over till you get fat trying to master them .

The world of nerds

تتذكروا ايام الدراسة كيف كانوا الدوافير يظايقونكم
كيف كانوا يلاحقون المدرسين
كيف كانوا يسالوا اساله مالها اي سنع
كيف يتنافسون بين بعض
انا ادرس بمحل تجمعت فيه نسبة كبيرة من هولاء
ووصلنا مع بعض لاخر سنة بحيث
وصلوا الى مرحلة من التفنن بثقل الدم واستعراض المعلومات
صقلوا مهاراتهم بالترزز عند الدكاترة لم يبلغها اي طلاب اخرون في اي جامعة
يعني خلاص وش بعد ست سنوات
الله بس يصبرني عليهم